ОПШТИНИТЕ ДЕМИР ХИСАР И РЕСЕН – ОПШТИНИ СО НАЈВИСОК ИНТЕГРИТЕТ !

Во делот на општини, според Извештајот за следење на системот на интегритет, изготвен од страна на Државната комисија за спречување на корупцијата, Општина Демир Хисар со 81,2 % исполнетос на критериумите е водечка општина во примената на системот на интегритет за 2024 година. И оваа година како и претходните, Општина Демир Хисар го завзема првото место, а тоа претставува потврда за јакнењето на личниот и институиционален капаците на вработените и раководството на општината. Веднаш зад општина Демир Хисар е општина Ресен со 70,2 % исполнетос.

Извештајот за следење на системот на интегритет покрај локалната самоуправа ги опфаќа, централната власт и институции од правосудниот сектор.

Што покажуваат податоците?

Мониторингот го опфати:

• 72 институции од централната власт,
• 72 единици на локалната самоуправа,
• 16 институции од правосудниот сектор.

Од нив:

• Само 50 институции од централната власт ја исполнија обврската за пополнување на прашалникот,
• 38 општини одговорија целосно,
• Само 6 правосудни институции го спроведоа процесот на мерење.

Со тоа, ДКСК ги идентификува и институциите кои покажуваат сериозна ангажираност, како и оние кај кои има простор за значително унапредување. Оваа бројка говори за напредок, но истовремено и за предизвик, кој нѐ повикува на заедничка мобилизација и решителна акција.

Кои институции се најдобро рангирани?

Во духот на објективност и вреднување на постигнувањата, ДКСК ја презентира ранг-листата на најуспешни институции според степенот на имплементација на системот за интегритет.

Врвот го заземаат:

🏆 Државен завод за ревизија – 92,3%
🏆 ДКСК – 82,31%
🏆 МАПАС – 80,77%
🏆 Министерство за внатрешни работи,
🏆 Царинска управа – 77,3%

Линк до извештајот веб страната на државната комисија за спречување на корупција: https://dksk.mk/