До 13 со Дејан Ефтинџиоски – Dj Pete на крузер
1. Кога и како се зарази пуштањето музика?
-Веројатно во диско „Медуза“, на Junior Party во 12 на пладне. Да речам ко тригер, нешто шо ми побудило чувство за пуштање музика и форма на забава. Во минатиот век.
2. Првиот грамофон?
-Тechincks SL1210 MK2
3. Омилен сет и колку време ти требаше да го направиш?
– Првио на Оревче, ако морам да одберам, а иначе општо не сум љубител на претходно проготвени „аранжирани“ диџеј сетој. Сакам ко че е спонтато, by fly.
4. Што те мотивираше да работиш на крузер?
-Сакаш искрено или искрено? Ми требаат пари. J Дамнешна желба и предизвик уште од пред 13-14 години. Тогаш не успеав, ама ете сег си дојде, то шо веројатно цело време ми стоеше, некаде, во некоја мозочна вијуга зачаурено.
5. Што е најубавото а што најлошото на сетот наречен крузер?
Нема ништо лошо. Има досадни и глупи работи, шо се во име на правила и прописи како, сејфти, сикјурите, дрил, кабин инспекшн, а општи, далеку од дома од своите. Евентуално лошо, да ти се погоди цимер шо грчи и му смрда чорапите. Ама и то се решава. Убај работи: Го шеташ свето безпари, запознаваш нови лујџе и култури, стануваш пострплив, потолерантен, поодговорен…појче бројш до 10. Цапнуваш на места за кои не си знаел ни дека постојат. Почитуван си од колегите и гостите и не смеј влакно да ти фали. На кратко вака, на долго роман. (Не Жаре Роман)
6. Како различни култури реагираат на музиката што ја пушташ?
-Ако имаш американци, нормално е да пуштатш од англиско говорно подрачје, ако имаш латиности, че пробаш да го фатиш нивното „Фуего“ вајб. Во суштина, реакции има ако е добра музиката, да бидиш пофален или имаш нарачки и барања да смениш нешто, ама најголем лакмус е денсфлоро, ако е полн, на прав пат си.
7. Дали се добива бакшиж?
-Ретко, ама да. Зависи од крстарењето, од гостите, од сезоната… Знај да се случи, а знај да биди и тапа скроз.
8.Дали ти се допаѓа храната или со душа го чекаш следното пристаниште?
Храната ми се допаѓаше (минато свршено време), сега ми е „Ај да не велам шо“ Сега не сакам ни на порт да слезам да јадам. Сакам дома, в кафана, Прилеп.
9. Луда случка од настап?
-Луда случка…во 22 години пуштање музика, имало многу. Ако прајме муабет за на крузер, никош нема да заборам еден гости, на последната вечер, на последната песна, пред да се испратиме за дома со арно со убо, со бериќет шо се вели, на сред подиум напрај НЕуспешно салто наназад и се акна на`муцки и заврши со два заба минус во медикал… 😀
10. Како се справуваш со вежбите за евакуацијa
-Дрил ми е одмор и обавеза. Одмор, пошо не сум нешто посебно ангажиран, ами се погуди и уба станица (assembly station) и дремам скоро сат време. Обврска оти морам секоја недела да слушам сирена и да бидам спремен со одговори на сејфти прашања, во случај да налета некој офицер и да почни да прашува.
11. Ова ти е втор договор. Кариера или кратка печалба?
-Прво здравје, па после че му ја мислме. За ова прашање најубо се мисли дома. Засега, како шо имам зацртано, ако терам вака, не си давам предолг рок. А, ако продолжам на крузер, би градел кариера на аудио-стејџ департмент.
12. Каква музика слушаш приватно кога не си на работа?
-Пред се сакам да слушам музика од плочи. А, жанровски не се ограничувам. Од добата на Жан Мишел, Крафтверк….Вангелис сум го слушал манијакално. Пинк флојд обавезно, секое патување ми почнува со Shine on your crazy diamond на слушалки, веќе ми премина во ритуал. Добри диџеј сетови од кои можам да „украдам“ финта, техника или добра трака. Јорис Ворн го почитувам многу како талент, Стефан Божин како мајстор на дисторзиите, Ханс Бигер како продуцент, ХотСинс82 како диџеј, а Карл Кокс како божество. Исто обожавам јаки инструменталисти, басисти, тапанари, добра бендовска музика…
13. Што би им препорачал на младите диџеи кои сакаат да работат на крузер?
Убо да се изнаслушаат музијка. Да не се ограничуваат жанровски и стилски. Да бидат наоружани со полни хард дискови, со светка популарна музика низ декадите, оти на крузер имам и баби на 77 и млади дечки што слушаат Тејлор Сфифт… И нормално нема да и ја пуштиш 😀
