(видео) “Интегрирање на родовата перспектива во локалните политики на општина Градско”

Во современото општество, еднаквите можности не се избор – тие се основа за одржлив развој.

Општина Градско  е мала општина која континуирано гради партнерства со институции и невладини организации за креирање на локални политики и реализација на програми кои ги препознаваат структурните нееднаквости со кои се соочуваат жените во секојдневниот живот, и создаваат услови за еднакви можности.

Проектот “Интегрирање на родовата перспектива во локалните политики на општина Градско” ги обединува институционалниот капацитет, одлучувачката улога на советот и енергијата и искуството на граѓанскиот сектор за градење на политики што ќе бидат инклузивни, одржливи и насочени кон реалните потреби на граѓаните.

Преку работилници, истражување, анализа и консултативни средби, претставници на граѓанскиот сектор, општинската администрација, Советот на општината и локалната заедница работеа заеднички на:

✔ Подобрување на локалните стратегии и програми за социјална и здравствена заштита
✔ Интегрирање на родово одговорно буџетирање
✔ Зајакнување на Комисијата за еднакви можности
✔ Поттикнување активно учество на жените во креирањето политики

Подготвената анализа е водич за воспоставување на одржливи механизми кои обезбедуваат континуирана примена на родовата перспектива во сите релевантни локални политики и програми,со цел создавање поинклузивна, правична и одговорна локална заедница.

Тоа значи дека секоја политика, секоја програма и секој буџет се креираат со прашањето:
Дали ова е еднакво добро за сите?

Кога родовата перспектива станува дел од секоја одлука, добиваме подобри услуги, поефикасни политики и заедница во која секој има еднаква можност да придонесува и да напредува.

Тоа е процес на градење култура на еднаквост, а добрите практики на општина Градско потврдуваат дека Интегрирањето на родовата перспектива е чекор кон одржлив локален развој.