СЕЗОНСКИТЕ ПОЖАРНИКАРИ, СЕУШТЕ НЕМААТ ЗЕМЕНО ПЛАТА
Во јуни Владата најави план за вработување на 400 пожарникари низ целата земја – млади и здрави лица кои ќе бидат обучени за справување со пожари. Мерката беше најавена со цел подобра подготвеност за гасење пожари во сезоната.
Во јули беше распишан јавен оглас на кој се пријавија повеќе од 500 лица, најмал интерес имаше во Скопје иако таму беа предвидени 80 нови пожарникари. Поради административни причини огласот беше продолжен уште пет дена – дел од заинтересираните не биле евидентирани како активни баратели на работа во Агенцијата за вработување, што беше услов за аплицирање.
Директорот на Центарот за управување со кризи Стојанче Ангелов тогаш апелираше граѓаните да се пријават, наведувајќи дека почетната плата е 24.000 денари, со можност најдобрите кандидати да добијат трајно вработување во пожарните бригади или во специјални единици за заштита и спасување.
Два месеца по завршување на огласот, дел од општините пријавуваат дека новоангажираните пожарникари сè уште не добиле плата. Според информации од терен, исплатата е одложена поради административни пречки поврзани со процедурата за исплата.
Во јавноста се поставува прашањето кога ќе бидат исплатени примањата и кога новите пожарникари целосно ќе се интегрираат во службите за заштита и спасување.
