Првото родено бебе во 2025 година во општина Прилеп е женско

Денеска, со голема радост, го започнавме првиот ден од новата година со посета на одделението за гинекологија и акушерство во болницата ,,Борка Талески” во Прилеп. Првото новороденче во Новата 2025 година на одделението за гинекологија и акушерство во болницата „Борка Талески“ е женско бебе, со родилна тежина од 3310 грама и 45 см. Мајката Ангела Јанеска и нејзиното прво новороденче, Стефанија, се во одлична општа состојба

Tим на чело со директорот на болницата, на мајката и новороденото бебе им подари прикладни подароци. Истотака, во денешната посета, мајката доби подароци и од Општина Прилеп, градоначалникот Борче Јовчески заедно со Претседателката на Советот на Општина Прилеп.

Со ваков убав почеток, веруваме дека оваа година ќе биде бериќетна за сите нас во општина Прилеп.