На 21 и 22 август по 8ми пат – FIS Rollerski Cup Тоше Проески
Сѐ е подготвено за старт на новата сезона на меѓународниот FIS Rollerski Cup 2024!
На 21 и 22 август во организација на Скијачка федерација на Македонија ќе се одржи осмиот по ред FIS Rollerski Cup Тоше Проески.
Церемонијалното отворање е во вторник (20 август) пред спомен куќата на Тоше Проески, со почеток од 19:00 часот. Традиционално, купот ќе помине во знакот на спортските трки и одлично дружење помеѓу натпреварувачите, а доделувањето на наградите и затворањето е во четврток (22 август) на Градскиот плоштад.
Поддржувачи на настанот се УНИБанка, Меѓународна скијачка федерација (FIS), Министерство за спорт и Општина Крушево, а технички организатор е клубот Ски Нордиски.
Следете нè на социјалните мрежи и почувствувајте дел од амбиентот, порачуваат организаторите и Општина Крушево.
