Mинистерот за земјоделие, шумарство и водостопанство Цветан Трипуновски ја посети Општина Новаци
Mинистерот за земјоделие, шумарство и водостопанство Цветан Трипуновски вчера ја посети Општина Новаци. На средбата покрај градоначалникот Стевче Стевановски, вработени од општината присуствуваа и земјоделците од Општина Новаци и целиот пелагониски регион.
На состанокот се разговараше за почетокот и текот на откупот на лебното жито, за сите ситуации и проблеми кои се појавуваат при секој откуп, за годинешната реколта на пченица, откупата цена и сл.
Како што кажа министерот Трипуновски, целта на денешната средба е да го слушне мислењето на земјоделците, да ја види ситуацијата на терен, а деновиве се закажани бројни состаноци токму на оваа тема со земјоделски здруженија од земјата и регионот, како и со откупните центри за да може да се извлече денар плус во корист на земјоделците, кои изминатите години претрпеа огромни штети од лошите политики. Министерот потенцираше дека наследена е една катастрофална состојба во земјоделието но како министер ветува дека ќе направи се за да го подобри, и на тој начин земјоделците да се почувствуваат дека некој се грижи за нив и за нивниот макотрпен труд и производство.
