КРУШЕВО ДОБИВА ОБИКОЛНИЦА И ПРИСТАПНИ ПАТИШТА ДО СКИ-ТЕРЕНИТЕ

Градоначалникот на Општина Крушево денес со Министерството за транспорт и врски го потпиша договорот за реализација на значаен инфраструктурен проект – изградба на обиколница со пристапни патишта до скијачките терени.

Станува збор за проект чија проектна документација беше претходно подготвена од страна на Општина Крушево, а истиот претставува нов чекор во унапредувањето на туристичката и спортската инфраструктура на градот.

Планираните пристапни патишта ќе се протегаат:

• од локацијата наречена „Порта“ до скијачките терени,
• како и од „Чешма на АРМ“ до местото викано „Станич“.

Со оваа инвестиција ќе се подобри пристапот до скијачките центри, а истовремено ќе се овозможи и подобра поврзаност помеѓу различните делови на Крушево. Проектот е насочен кон поддршка на зимскиот туризам и зголемување на атрактивноста на градот за домашните и странските посетители.

Од Општината истакнуваат дека со секој ваков чекор Крушево се приближува до визијата за модерен туристички центар, со развиена инфраструктура и услови за раст на локалната економија.