Христијан Џеповски најреќен во Ресен
По повод големиот христијански празник Богојавление – Водици, денеска во осветените води на Преспанското Езеро традиционално беше положен Светиот крст, продолжувајќи ја вековната традиција на православните верници.
На настанот учествуваа над 70 верници, кои влегоа во студените води во обид да го извадат Светиот крст.
Најсреќен меѓу нив беше Христијан Џеповски, кој прв успеа да го извлече крстот и да ја понесе честа и благословот што, според верувањата, ги носи овој празник.
Богојавление – Водици е еден од најголемите христијански празници и симболизира духовно прочистување, вера и заедништво меѓу верниците.
