Додека се работи на обезбедување вода за пиење за жителите на Општина Долнени, според објавата на градоначалникот Блерим Ислами, некој фрлил железо во бунарот што се копа токму за таа намена.

Наместо поддршка за проект од кој корист треба да имаат цели семејства, се појавува пречка што може да ја отежне реализацијата на една од основните потреби на граѓаните.

Додека едни градат, други уништуваат. Додека едни се трудат да создадат подобри услови за живот, други, наместо да помогнат, поставуваат пречки. Но, најголемата штета од ваквите постапки не ја трпи градоначалникот, туку граѓаните на кои им е потребна вода за пиење.

Градоначалникот Блерим Ислами порача дека нема да се откаже од работата за доброто на народот и дека на пречките ќе одговори со решителност, работа и конкретни резултати.

„Водата не е луксуз. Не е привилегија. Не е сопственост на ниту една партија или поединец. Водата е живот!“, порачува Ислами.

Тој нагласува дека неговиот приоритет останува решавањето на проблемите на жителите и реализацијата на проекти што треба да донесат вистинска корист за заедницата.

Околностите на настанот и одговорноста за фрлањето на железото треба да ги утврдат надлежните институции. Во меѓувреме, најважно е пречката да се отстрани и работите да продолжат, за граѓаните да не бидат оштетени.

Затоа што разликата е едноставна: едни оставаат зад себе дела, други оставаат пречки. Едни градат за иднината, други го попречуваат напредокот.

💧 Водата е живот! Додека едни градат, нема да дозволиме надежта за подобар живот да биде уништена!