Горивата поскапуваат за 1,5 денари – нови цени од полноќ
Од полноќ нови, повисоки цени на горивата. Според одлуката на Регулаторната комисија за енергетика, малопродажните цени на сите видови горива се зголемуваат за 1,5 денари по литар.
Новите цени ќе изнесуваат:
- Еуросупер-95: 75,50 денари за литар
- Еуросупер-98: 77,50 денари за литар
- Дизел: 71,50 денари за литар
- Екстра лесно масло за домаќинство: 71,00 денар за литар
И цената на мазутот М-1 НС се зголемува – новата цена изнесува 40,472 денари за килограм, што е покачување од 1,063 денари.
Зголемувањето на цените е резултат на движењата на светските берзи и курсот на доларот, соопштува Регулаторната комисија. Ова е нова корекција во серијата промени што Комисијата ги прави на неделно ниво.
