(видео) Жител од Ново Лагово реагира: „По секој дожд – истата мака со поплави“

Жител на прилепското населено место Ново Лагово испрати снимка до нашата редакција, во која јасно се гледаат поплавените површини по вчерашните интензивни врнежи. Според него, ситуацијата се повторува по секој поголем дожд, а причината, како што вели, се неисчистените канали покрај стариот пат Прилеп – Битола.

„Пред избори проблемот го знаат, ама никој не се зафати да го реши. Ова е покрај стариот пат Прилеп – Битола, половина место е под вода. Изгледа треба да го блокираме патот за конечно некој да дојде и да го среди проблемот“, ни порача револтираниот жител.