Тимот на SFERA Internacional со проект „Градинарство за градење мир“
Тимот на SFERA Internacional со огромно задоволство ни споделува дел од навниот проект „Градинарство за градење мир,“ која што мисија е да ги инспирира младите од маргинализираните етнички групи да играат активна улога во создавањето инклузивни и кохезивни заедници во Битола!
Во рамките на оваа иницијатива, 20 млади лидери од различна етничка припадност учествуваа на 7-дневен тренинг, каде стекнаа вештини за меѓукултурен дијалог, градење мир и активен ангажман во заедницата. Тренингот вклучуваше различни активности, како работилници за team building, за религија, култура и солидарност со цел да се изгради меѓусебна доверба и разбирање. Нашите учесници имаа можност да посетат културни и религиозни ентитети кои играат важна улога за секоја религија застапена во Битола, што создаде простор за меѓусебно запознавање и разбирање.
Како дел од проектот, наредно ќе се креираат градини на заедници во ромските, албанските и турските населби.Овие градини ќе претставуваат место за социјална интеракција, обединувајќи ги луѓето преку заеднички активности и интеркултурни настани, со цел заедниците да се зближат и зајакнат преку взаемна поддршка.
Веруваме во моќта на младите да го предводат патот кон создавање мирни и мултиетнички заедници, каде што секој има можност да напредува. Останете во тек за повеќе ажурирања додека го продолжуваме овај неверојатен проект кој води кон соработка и единство! - стои на фејсбук страната на SFERA Internacional
Проектот е реализиран со финансиска поддршка од Европската фондација за млади при Совет на Европа.
