Во рамки на „Розов октомври“: Едукативна трибина за превенција и заштита од рак на дојка во Прилеп

Во рамките на месецот посветен на борбата против ракот на дојка – „Розов октомври“, во Прилеп ќе се одржи едукативна трибина под мотото „Заштита и превенција од рак на дојка – Здравјето е наша одговорност!“.

Настанот е во организација на Форумот на жени на ОО СДСМ Прилеп и има за цел да ја подигне јавната свест за важноста на превенцијата, редовните прегледи и раната дијагностика.

За сите клучни медицински и психолошки аспекти на оваа тема ќе говорат стручни лица од областа:

• Д-р Марија Иваноска, специјалист гинеколог-акушер
• Димитринка Ѓорѓиоска Цветкоски, лиценциран психолог

Едукативната трибина ќе се одржи во среда, на 21 октомври 2026 година, со почеток во 19:00 часот, во просториите на хотел „Атлас“ во Прилеп.

Организаторите упатуваат отворен повик до сите граѓанки и граѓани да присуствуваат, порачувајќи: „Информирај се навреме, сподели со твоите блиски – твоето присуство значи поддршка! Да не чекаме утре, започнуваме денес!“