10-та јубилејна клубска изложба на „Фото кино клубот Прилеп“
Во Прилеп во домот на културата Марко Цепенков се одржа 10-та јубилејна клубска изложба на „Фото кино клубот Прилеп“ под наслов Јордан Зазоски Зазо за 2023 година. Изложбата го носи името на Јордан Зазоски, познат како Зазо, легендарен фотограф кој го посветил својот живот на уметноста на фотографијата
Ова е прекрасен настан за љубителите на фотографијата и сите граѓани на Прилеп. Изложбата прерасна во традиција за Прилепчани, оваа година беа претставени шеесетина уметнички фотографии од педесет и седум автори.
Клубот им дава шанса на сите млади луѓе да ја покажат својата креативност и правилно да го насочат својот талент.
Градоначалникот на општина Прилеп Борче Јованоски кажа дека Локалната самоуправа продолжува да помага и да го поддржува клубот во идните планови и проекти, со цел заедно да допринесе во афирмација на сите, а особено на младите фотографи од нашиот град.
