УЧЕНИЦИТЕ ОД ГОРНАТА ГИМНАЗИЈА ДРЖАВНИ ПРВАЦИ ВО КОШАРКА 3X3

Градоначалникот на општина Битола, Тони Коњановски, денес организираше прием за учениците од Гимназијата „Јосип Броз Тито“, кои, во конкуренција од 93 средни училишта низ Македонија, го освоија пехарот и станаа државни прваци во кошарка 3×3 во машка конкуренција.

Градоначалникот Коњановски им честиташе на учениците Наум Марковски од III⁴, Благојче Димитровски од III², Лео Созовски од II³ и Благој Тарашовски од II¹. Тој изрази и посебна благодарност до нивниот ментор, професорот Антонио Трпковски, како и до директорката на Гимназијата, Лидија Споа, за континуираната поддршка што им ја даваат на учениците, поттикнувајќи го кај нив спортскиот и натпреварувачки дух.