ПРИЛЕПСКА ПЕТАРДА ВО МРЕЖАТА НА ВАРДАР
Фудбалската млада екипа на FC Wonderkids Прилеп, генерација 2011 година, денес извојува победа во пријателски натпревар кој се одигра во Охрид. Прилепчаните беа подобри од врсниците на ФК Вардар од Скопје, совладувајќи ги со убедливи 5:2.
Овој триумф уште еднаш потврдува дека младите надежи од Wonderkids имаат квалитет и сила да се надигруваат со традиционално силни екипи како што е Вардар. Тимската игра, борбеноста и посветеноста на овие талентирани фудбалери резултираа со заслужена победа која внесува дополнителна самодоверба и мотивација за понатамошни натпревари.
FC Wonderkids Прилеп со оваа генерација и натаму ја гради својата препознатливост на младинската фудбалска сцена во Македонија, со јасна цел – да создаде идни шампиони кои ќе го носат македонскиот фудбал напред.
