Македонските фудбалерки пред најважниот натпревар во квалификациите

БИТОЛА ПОДГОТВЕНА ЗА ИСТОРИСКИ ФУДБАЛСКИ МЕЧ – ЖЕНСКАТА РЕПРЕЗЕНТАЦИЈА НА МАКЕДОНИЈА УТРЕ ГО ИГРА КЛУЧНИОТ НАТПРЕВАР ПРОТИВ АЗЕРБЕЈЏАН

Битола утревечер ќе биде во центарот на вниманието на македонскиот женски фудбал. На стадионот „Петар Милошевски“ ќе се одигра еден од најважните натпревари за женската фудбалска репрезентација на Македонија во тековниот квалификациски циклус за Светското првенство.

Нашите фудбалерки ќе се соочат со селекцијата на Азербејџан во натпревар кој може да има историско значење. По пет одиграни кола во квалификациската група, Македонија се наоѓа на третото место со шест освоени бодови. Лидер е Унгарија со 13 бодови, додека Азербејџан е втор со девет.

Токму затоа, утрешниот дуел претставува директна можност за Македонија да се доближи до врвот на табелата и да ги задржи шансите за значаен успех во квалификациите. Победа над Азербејџан би претставувала голем чекор напред и дополнителен мотив за репрезентативките во продолжението од циклусот.

Натпреварот Македонија – Азербејџан ќе започне во 19:00 часот, а влезот за сите љубители на фудбалот е слободен.

Поддршката од трибините може да биде дополнителен ветер во грб за македонските фудбалерки во обидот да испишат нова страница во историјата на женскиот фудбал